ഈശോയുടെ ജനനവാര്‍ത്ത പൗരസ്ത്യരാജാക്കന്മാരില്‍ നിന്ന് മനസിലാക്കിയ ഹേറോദേസ് കുഞ്ഞിനെ ആരാധിച്ചു മടങ്ങുമ്പോള്‍ തന്റെ പക്കല്‍ വന്ന് വിവരങ്ങള്‍ അറിയിക്കണമെന്ന് അവരോട് അഭ്യര്‍ത്ഥിച്ചു. എന്നാല്‍ സ്വര്‍ഗ്ഗീയ സന്ദേശമനുസരിച്ച് അവര്‍ മറ്റൊരു വഴിയേ തിരിച്ചുപോയി. ഇതുമനസിലാക്കിയ ഹേറോദേസ് അത്യധികം കുപിതനായി. ജ്ഞാനികളില്‍ നിന്ന് മസിലാക്കിയ സമയത്തെ ആസ്പദമാക്കി അദ്ദേഹം ബദ്‌ലഹേമിലും പരിസരത്തുമുള്ള രണ്ടോ അതില്‍ താഴയോ പ്രായമുള്ള എല്ലാ ആണ്‍കുട്ടികളെയും വധിപ്പിച്ചു. 22 പേരാണ് ഇങ്ങനെ വധിക്കപ്പെട്ടതെന്ന് ചരിത്രം സാക്ഷ്യപ്പെടുത്തുന്നു. ഈശോയെ പ്രതി മരിച്ച ഈ കുഞ്ഞിപ്പൈതങ്ങളെ തിരുസഭ രക്തസാക്ഷികളായി കരുതുന്നു.