താമരശ്ശേരി രൂപതയുടെ പ്രഥമ മെത്രാന്‍ മാര്‍ സെബാസ്റ്റ്യന്‍ മങ്കുഴിക്കരിയുടെ 30ാം ചരമ വാര്‍ഷികത്തോടനുബന്ധിച്ച് രൂപതാതല അനുസ്മരണ പ്രാര്‍ത്ഥനയും വിശുദ്ധ കുര്‍ബാനയും മേരി മാതാ കത്തീഡ്രലില്‍ നടന്നു. രൂപതാ വികാരി ജനറല്‍ മോണ്‍. അബ്രഹാം വയലില്‍ ദിവ്യബലിയില്‍ മുഖ്യകാര്‍മ്മികത്വം വഹിച്ചു. താമരശ്ശേരി ഫൊറോന വികാരി ഫാ. മാത്യു പുളിമൂട്ടില്‍, കോടഞ്ചേരി ഫൊറോന വികാരി ഫാ. കുര്യാക്കോസ് ഐക്കൊളമ്പില്‍ എന്നിവര്‍ സഹകാര്‍മ്മികരായിരുന്നു.
ഫാ. കുര്യാക്കോസ് ഐക്കൊളമ്പില്‍ മാര്‍ മങ്കുഴിക്കരി അനുസ്മരണ സന്ദേശം നല്‍കി. മങ്കുഴിക്കരി പിതാവിന്റെ ജീവിതം എല്ലാവര്‍ക്കും മാതൃകയാണെന്നും പ്രസംഗകലയിലൂടെ നാനാജാതി മതസ്ഥരിലേക്ക് ക്രിസ്തുവിന്റെ സുവിശേഷം പകരാന്‍ അദ്ദേഹത്തിനു കഴിഞ്ഞെന്നും ഫാ. കുര്യാക്കോസ് ഐക്കൊളമ്പില്‍ അനുസ്മരിച്ചു.
ശ്രാദ്ധ ശുശ്രൂഷകള്‍ നടത്തി. രൂപതാ വൈദികരും സന്യസ്തരും അല്‍മായ പ്രതിനിധികളും ചടങ്ങുകളില്‍ പങ്കെടുത്തു.