താമരശ്ശേരി രൂപതാ വൈദികന്‍ ഫാ. ഫ്രാന്‍സിസ് കള്ളിക്കാട്ട് (86) നിര്യാതനായി. വാര്‍ധക്യ സഹചമായ രോഗങ്ങളെ തുടര്‍ന്ന് ചികിത്സയിലായിരുന്നു.
അച്ചന്റെ ഭൗതിക ശരീരം തിങ്കളാഴ്ച (23-10-2023) രാവിലെ മുതല്‍ ഉച്ച വരെ ഈരൂട് പ്രീസ്റ്റ് ഹോമില്‍ പൊതുദര്‍ശനത്തിന് വച്ചശേഷം കോട്ടയം ജില്ലയിലെ തുടങ്ങനാട് കുടുംബ വീട്ടിലേക്ക് കൊണ്ടുപോകും. ചൊവ്വാഴ്ച (24-10-2023) ഉച്ചകഴിഞ്ഞ് തുടങ്ങനാട് ഇടവക ദേവാലയത്തില്‍ മൃതസംസ്‌ക്കാര ശുശ്രൂഷ നടക്കും.
1967 മാര്‍ച്ച് 13ന് പൗരോഹിത്യം സ്വീകരിച്ച ഫാ. ഫ്രാന്‍സിസ് കള്ളിക്കാട്ട് തലശ്ശേരി, താമരശ്ശേരി രൂപതകളിലെ മാഞ്ഞോട്, ചന്ദനക്കാംപാറ, ശ്രീപുരം, മാമ്പോയില്‍, കഴിച്ചാല്‍, രാജഗിരി, വേനപ്പാറ, പശുക്കടവ്, തേക്കുംകുറ്റി, പടത്തുകടവ്, കുളത്തുവയല്‍, ചെമ്പുകടവ്, പെരിന്തല്‍മണ്ണ, കുണ്ടുതോട് എന്നീ ഇടവകകളില്‍ സ്തുത്യര്‍ഹമായ സേവനം ചെയ്തു. 2017 മുതല്‍ ഈരൂട് വിയാനി പ്രീസ്റ്റ് ഹോമില്‍ വിശ്രമ ജീവിതം നയിച്ചു വരികയായിരുന്നു.