ഇരുപത്തി മൂന്നു വര്‍ഷങ്ങള്‍ക്കു മുമ്പ് മലപ്പുറം പൂക്കിപറമ്പ് ബസ് അപകടത്തില്‍ പൊലിഞ്ഞ അഞ്ച് ജീസസ് യൂത്ത് പ്രവര്‍ത്തകരെ കോഴിക്കോട് സോണ്‍ അനുസ്മരിച്ചു. ഓര്‍മ്മ ദിനത്തില്‍ നടന്ന ദിവ്യബലിയിലും സെമിത്തേരി സന്ദര്‍ശനത്തിലും ജീസസ് യൂത്ത് അംഗങ്ങള്‍ പങ്കെടുത്തു. മരിച്ചവരുടെ ഭവനങ്ങള്‍ സന്ദര്‍ശിക്കുകയും കുടുംബാംഗങ്ങളോടൊപ്പം ഓര്‍മ്മകള്‍ പങ്കുവയ്ക്കുകയും ചെയ്തു.
ഇരുപത്തിയഞ്ചാം ചരമവാര്‍ഷികത്തോടനുബന്ധിച്ച് ‘വണ്‍ ഇയര്‍ കമ്മിറ്റ്‌മെന്റ് -2001 മിഷന്‍’ എന്ന പേരില്‍ ഒരു വര്‍ഷം നീളുന്ന കര്‍മ്മപദ്ധതികള്‍ ആസൂത്രണം ചെയ്യുവാന്‍ സോണല്‍ ടീം തീരുമാനിച്ചു.
2001-ലാണ് നാടിനെ കണ്ണുനീരിലാഴ്ത്തിയ പൂക്കിപറമ്പില്‍ ബസ് അപകടം നടന്നത്. ബസിലുണ്ടായിരുന്ന ജീസസ് യൂത്ത് സജീവപ്രവര്‍ത്തകരായ റോയി ചുവപ്പുങ്കല്‍, രജനി കാവില്‍പുരയിടം, ഷിജി കറുത്തപാറയ്ക്കല്‍, ബിന്ദു വഴീക്കടവത്ത്, റീന പാലറ എന്നിവരാണ് അന്ന് അപകടത്തില്‍ മരിച്ചത്. ഔട്ട് റീച്ച് മിനിസ്ട്രിയുടെ ഭാഗമായി ഇടുക്കി രാജപുരത്ത് സുവിശേഷ പ്രഘോഷണം കഴിഞ്ഞ് തിരികെ നാട്ടിലേക്കുള്ള യാത്രയിലായിരുന്നു അപകടം. അമിത വേഗതയില്‍ സഞ്ചരിച്ച ബസ് നിയന്ത്രണംവിട്ട് കാറിലിടിച്ച് മറിയുകയും തുടര്‍ന്ന് കത്തുകയുമായിരുന്നു. അപകടത്തില്‍ ബസിലുണ്ടായിരുന്ന 44 പേര് വെന്തുമരിച്ചു.
