താമരശ്ശേരി: കെസിവൈഎം രൂപതാ സമിതിയുടെ നേതൃത്വത്തില്‍ സംഘടിപ്പിക്കുന്ന യുവജന ദിനാഘോഷം ജൂലൈ എട്ടിന് ഉച്ചകഴിഞ്ഞ് രണ്ടിന് പാറോപ്പടി സെന്റ് ആന്റണീസ് ഫൊറോന ദേവാലയത്തില്‍ നടക്കും. ബിഷപ് മാര്‍ റെമീജിയോസ് ഇഞ്ചനാനിയില്‍ ഉദ്ഘാടനം ചെയ്യും.
കോഴിക്കോട് നോര്‍ത്ത് എംഎല്‍എ തോട്ടത്തില്‍ രവീന്ദ്രന്‍ ചടങ്ങില്‍ മുഖ്യഥിതിയാകും. താമരശ്ശേരി രൂപത വികാരി ജനറല്‍ മോണ്‍. ജോയ്‌സ് വയലില്‍, അമല്‍ ജ്യോതി കോളജ് വിഷയത്തില്‍ പ്രതികരിച്ചതിന്റെ പേരില്‍ രൂക്ഷമായ സൈബര്‍ ആക്രമണം നേരിട്ട അലോക ബെന്നി, എസ്എം വൈഎം സംസ്ഥാന പ്രസിഡന്റ് വിശാഖ് തോമസ് തുടങ്ങിയവര്‍ പങ്കെടുക്കും.
ആവേശത്തോടെ, ഇന്നിന്റെ സഭയുടെ കാവലാളാകുവാന്‍ ഒറ്റക്കെട്ടായി മുന്നോട്ടുവരാനും കഴിഞ്ഞകാലത്തിന്റെ ഓര്‍മകളില്‍ ആഹ്ലാദിക്കുക്കാതെ വര്‍ത്തമാനകാലത്തില്‍ ധൈര്യത്തോടും ഭാവിയിലുള്ള പ്രത്യാശയോടുംകൂടി മുന്നേറുവാനും പ്രതിഫലം നോക്കാതെയും പരിഹാസത്തിനു ചെവികൊടുക്കാതെയും ഉത്തമബോധ്യത്തോടെ സഭയോട് ചേര്‍ന്ന് നിന്ന് യേശുക്രിസ്തുവിന്റെ വിളിക്ക് പ്രത്യുത്തരം നല്‍കി വിശ്വസ്തരായി ജീവിക്കുവാനും യുവജന ദിനം പ്രചോദനമാകുമെന്ന് കെസിവൈഎം രൂപതാ ഡയറക്ടര്‍ ഫാ. മെല്‍ബിന്‍ വെള്ളയ്ക്കാക്കുടിയില്‍ പറഞ്ഞു.