ഫാ. മാത്യു പ്ലാത്തോട്ടത്തില്‍ (83) നിര്യാതനായി. വാര്‍ദ്ധക്യ സംബന്ധമായ അസുഖത്തെ തുടര്‍ന്ന് ചികിത്സയിലായിരുന്നു. തലശ്ശേരി, മാനന്തവാടി, ഫിനിക്‌സ് (അമേരിക്ക) രൂപതകളില്‍ സേവനം ചെയ്തിട്ടുണ്ട്. വിരമിച്ച ശേഷം മേരിക്കുന്ന് ഗുഡ് ഷെപ്പേഡ് പ്രീസ്റ്റ് ഹോമില്‍ വിശ്രമ ജീവിതം നയിച്ചു വരികയായിരുന്നു. കൂടരഞ്ഞി ഇടവകാംഗമാണ്.
മേരിക്കുന്ന് ഗുഡ് ഷെപ്പേര്‍ഡ് പ്രീസ്റ്റ് ഹോമില്‍ ലെ പൊതുദര്‍ശനത്തിന് ശേഷം കൂടരഞ്ഞിയിലുള്ള സഹോദരന്‍ ടോമി പ്ലാത്തോട്ടത്തിലിന്റെ ഭവനത്തില്‍ ഭൗതിക ശരീരം എത്തിച്ചു. സംസ്‌ക്കാര ശുശ്രൂഷകള്‍ ആഗസ്റ്റ് 1ഉച്ചകഴിഞ്ഞ് 2ന് സഹോദരന്റെ ഭവനത്തില്‍ നിന്ന് ആരംഭിച്ച് കൂടരഞ്ഞി സെന്റ് സെബാസ്റ്റിയന്‍സ് ദേവാലയത്തില്‍.
1967ല്‍ തലശ്ശേരി അതിരൂപതക്ക് വേണ്ടി തിരുപ്പട്ടം സ്വീകരിച്ച ഫാ. മാത്യു പ്ലാത്തോട്ടത്തില്‍ മാനന്തവാടി രൂപത സ്ഥാപിതമായപ്പോള്‍ രൂപതയുടെ ഭാഗമായി. രൂപതയുടെ സോഷ്യല്‍ സര്‍വീസ് സെന്ററിന്റെ ഡയറക്ടറായും കല്ലുവയല്‍, നിലമ്പൂര്‍, വാഴവറ്റ, മരകാവ് ഇടവകകളില്‍ വികാരിയായും ശുശ്രൂഷ ചെയ്തു. തുടര്‍ന്ന് 1992-ല്‍ അമേരിക്കയിലെ ഫീനിക്‌സ് രൂപതയില്‍ ചേര്‍ന്ന് ശുശ്രൂഷാജീവിതം നയിച്ചു.