ലോഗോസ് ക്വിസ് സെമിഫൈനല്‍ മത്സരത്തിന്റെ ഫലം പ്രഖ്യാപിച്ചു. എ, ബി, എഫ് വിഭാഗങ്ങളിലായി താമരശ്ശേരി രൂപതയില്‍ നിന്നു മൂന്നു പേര്‍ മെഗാ ഫൈനല്‍ മത്സരത്തിന് യോഗ്യത നേടി.
എ വിഭാഗത്തില്‍ ലെവിന്‍ സുനില്‍ കേഴപ്ലാക്കല്‍, ബി വിഭാഗത്തില്‍ ലിയ ട്രീസ സുനില്‍ കേഴപ്ലാക്കല്‍, എഫ് വിഭാഗത്തില്‍ മാത്യു തൈക്കുന്നുംപുറത്ത് എന്നിവരാണ് നവംബര്‍ 23, 24 തീയതികളില്‍ പാലാരിവട്ടം പിഒസിയില്‍ നടക്കുന്ന മെഗാ ഫൈനല്‍ മത്സരത്തില്‍ മാറ്റുരയ്ക്കുക.
കൂരോട്ടുപാറ ഇടവകാംഗമായ കേഴപ്ലാക്കല്‍ സുനില്‍ ഷീന ദമ്പതികളുടെ മക്കളാണ് ലെവിനും ലിയയും. 2023-ലെ ലോഗോസ് മെഗാ ക്വിസ് പ്രതിഭാ മത്സരത്തില്‍ ലിയ ട്രീസ രണ്ടാം സ്ഥാനം നേടിയിരുന്നു. ബി കാറ്റഗറിയില്‍ ഒന്നാം സ്ഥാനവും ലിയ ട്രീസയ്ക്കായിരുന്നു. കൂരാച്ചുണ്ട് ഇടവകാംഗമാണ് മാത്യു തൈക്കുന്നുംപുറം.
ആദ്യ ഘട്ടത്തില്‍ നാലര ലക്ഷം പേര്‍ പരീക്ഷയെഴുതി. അവരില്‍ നിന്നും 600 പേര്‍ സെമിഫൈനല്‍ മത്സരത്തില്‍ മാറ്റുരച്ചു. മെഗാ ഫൈനല്‍ മത്സരത്തിന് 60 പേരാണ് യോഗ്യത നേടിയത്.
