മലയോര നാടിന്റെ കായിക പെരുമയില്‍ പുത്തന്‍ അധ്യായം എഴുതി ചേര്‍ത്ത് കൂരാച്ചുണ്ടുകാരി അല്‍ക്ക ഷിനോജ്. സംസ്ഥാന സ്‌കൂള്‍ ഒളിംപിക്‌സില്‍ നാല് ഇനങ്ങളില്‍ സ്വര്‍ണ്ണം നേടി, വ്യക്തിഗത ചാമ്പ്യന്‍ പട്ടം കരസ്ഥമാക്കിയാണ് ഈ മിടുക്കി മലയോര നാടിന്റെ അഭിമാന താരമായത്.
ജൂനിയര്‍ ഗേള്‍സ് വിഭാഗത്തില്‍ 200, 400, 600 എന്നീ ഇനങ്ങളിലും റിലേയിലുമായിരുന്നു അല്‍ക്കയുടെ സ്വര്‍ണ്ണ നേട്ടം. കുളത്തുവയല്‍ സെന്റ് ജോര്‍ജ് എച്ച്എസ്എസ് വിദ്യാര്‍ത്ഥിനിയായ അല്‍ക്ക കൂരാച്ചുണ്ട് ഇടവകാംഗവും സിആര്‍പിഎഫ് ഉദ്യോഗസ്ഥനുമായ ചേറ്റാനിയില്‍ ഷിനോജിന്റെയും ജിതിനയുടെയും മകളാണ്.
കുളത്തുവയല്‍ ജോര്‍ജിയന്‍ അക്കാദമി പരിശീലകന്‍ കെ. എം. പീറ്റര്‍, കുളത്തുവയല്‍ സ്‌കൂള്‍ കായിക അധ്യാപിക സിനി ജോസഫ് എന്നിവരുടെ ശിക്ഷണത്തിലാണ് അല്‍ക്ക സ്‌കൂള്‍ ഒളിംപിക്‌സിനായി തയ്യാറെടുത്തത്.
