തിരുവമ്പാടി അല്‍ഫോന്‍സാ കോളജില്‍ ഓഗ്‌മെന്റ 2023 കോമേഴ്‌സ് ഫെസ്റ്റ് കോളജ് പ്രിന്‍സിപ്പല്‍ ഡോ. കെ. വി. ചാക്കോ ഉദ്ഘാടനം ചെയ്തു. വൈസ് പ്രിന്‍സിപ്പല്‍ ഫാ. ഷനീഷ് അഗസ്റ്റിന്‍, കോമേഴ്‌സ് വിഭാഗം മേധാവി സാനി തോമസ്, ആല്‍ബിന തോമസ് എന്നിവര്‍ പ്രസംഗിച്ചു.
ഇ.ഡി. ഗെയിം, മാനേജ്‌മെന്റ് ക്വിസ്, ഐ.പി.എല്‍ ഓക്ഷന്‍, ഫാഷന്‍ ഷോ, ഷൂട്ടൗട്ട്, ഫിറ്റ്‌നസ് ഗെയിം, സ്‌പോട്ട് ഡാന്‍സ് എന്നീ ഇനങ്ങളില്‍ ഇന്റര്‍ ഡിപ്പാര്‍ട്ട്‌മെന്റ്തല മത്സരങ്ങള്‍ നടത്തി.
ഐ.പി.എല്‍ ഓക്ഷനില്‍ അഖില്‍ & ടീം ഒന്നാം സ്ഥാനവും ജിഷ്ണു & ടീം രണ്ടാം സ്ഥാനവും നേടി. ഇ.ഡി ഗെയിമില്‍ ബോണി & ആശിര്‍വാദ് ടീം ഒന്നും ആല്‍ബിന്‍ ജില്‍സണ്‍ & ഹരികൃഷ്ണന്‍ ഷാല്‍വിന്‍ & ഷാരോണ്‍ ടീം രണ്ടാം സ്ഥാനവും കരസ്ഥമാക്കി. സ്‌പോട്ട് ഡാന്‍സില്‍ നോയലും ഫാഷന്‍ ഷോയില്‍ ഡെന്നി ജോസഫും ഷൂട്ട് ഔട്ടില്‍ അഭയ് സുരേഷും ഫിറ്റ്‌നസില്‍ അച്യുത് നാഥും സമ്മാനാര്‍ഹരായി.
കെ. ദീപേഷ്, അമന്റ ഷാജി, സെബിന്‍ തോമസ്, ഷിജി ഫ്രാന്‍സിസ്, ടോണി സാന്റി എന്നിവര്‍ നേതൃത്വം നല്‍കി.