സ്ത്രീകളുടെ ജയിലായ റോമിലെ റബിബ്ബിയില്‍ പെസഹാ വ്യാഴാഴ്ച ഫ്രാന്‍സിസ് മാര്‍പാപ്പ ദിവ്യബലിയര്‍പ്പിക്കും. പൊതുജനങ്ങള്‍ക്ക് പ്രവേശനമുണ്ടായിരിക്കില്ല. അന്തേവാസികളുമായും ഉദ്യോഗസ്ഥരുമായും പാപ്പ കൂടിക്കാഴ്ച നടത്തും. പെസഹാ വ്യാഴാഴ്ചയിലെ ദിവ്യബലിയോടെ ഈസ്റ്റര്‍ ത്രിദിനത്തിന് ആരംഭമാകും.
2015-ലെ പെസഹാ വ്യാഴാഴ്ചയും ഫ്രാന്‍സിസ് പാപ്പ ഇവിടെ ദിവ്യബലിയര്‍പ്പിച്ചിരുന്നു. 2023-ലെ പെസഹാ വ്യാഴാഴ്ച റോമിന്റെ പ്രാന്തപ്രദേശത്തുള്ള കാസല്‍ ദെല്‍ മര്‍മോ ജുവനൈല്‍ ഡിറ്റന്‍ഷന്‍ സെന്ററിലെ യുവതീയുവാക്കളുടെ പാദങ്ങളാണ് കഴുകിയത്.
ബെനഡിക്ട് പതിനാറാമന്‍, ജോണ്‍ പോള്‍ രണ്ടാമന്‍ മാര്‍പാപ്പമാര്‍ക്കു ശേഷം റബിബ്ബിയ ജയില്‍ സന്ദര്‍ശിക്കുന്ന മാര്‍പാപ്പയാണ് ഫ്രാന്‍സിസ് പാപ്പ.