‘പ്രാര്‍ത്ഥിക്കാന്‍ മറക്കരുത്’ യുവജനങ്ങളോട് ഫ്രാന്‍സിസ് പാപ്പ
ബെല്‍ജിയത്തിലെ അപ്പസ്‌തോലിക സന്ദര്‍ശനത്തിനിടെ തലസ്ഥാനമായ ബ്രസല്‍സില്‍ നടന്ന ‘ഹോപ്പ് ഹാപ്പനിങ്’ യുവജന പരിപാടിയില്‍ അപ്രതീക്ഷിത സന്ദര്‍ശനം നടത്തി ഫ്രാന്‍സിസ് പാപ്പ. ലോക യുവജന ദിനത്തിന്റെ ഭാഗമായി ബല്‍ജിയം ബിഷപ്‌സ് കോണ്‍ഫ്രന്‍സിന്റെ പിന്തുണയോടെ 40 ക്രിസ്ത്യന്‍ യുവജന കൂട്ടായ്മകള്‍ സംഘടിപ്പിച്ചതായിരുന്നു ‘ഹോപ്പ് ഹാപ്പനിങ്.’
പ്രാര്‍ത്ഥിക്കാന്‍ മറക്കരുതെന്നും ക്രിസ്തുവിനെ ഹൃദയത്തില്‍ നിലനിര്‍ത്തി വേണം മുന്നോട്ടു പോകുവാനെന്നും യുവജനങ്ങളോട് പാപ്പ പറഞ്ഞു.
ശിശുവിനെപ്പോലെയാകുന്നവനാണ് ഏറ്റവും വലിയവനെന്ന യേശു വചനം അനുസ്മരിച്ച് അവിടെയുണ്ടായിരുന്ന ഒരു നവജാത ശിശുവിനെ ചൂണ്ടിക്കാട്ടി ശിശുസഹജമായ നിഷ്‌കളങ്കതയും വിശുദ്ധിയും വീണ്ടെടുക്കണമെന്ന് ഫ്രാന്‍സിസ് പാപ്പ ആഹ്വാനം ചെയ്തു.
പരിപാടിയില്‍ 6,000 യുവജനങ്ങള്‍ പങ്കെടുത്തു.
