സീറോ മലബാര്‍ മാതൃവേദി ഉപന്യാസ രചനാ മത്സരം: രചനകള്‍ ക്ഷണിച്ചു
താമരശ്ശേരി: സീറോ മലബാര്‍ മാതൃവേദി രൂപതാ സമിതി സംഘടിപ്പിക്കുന്ന ഉപന്യാസ മത്സരത്തിലേക്ക് അമ്മമാരുടെ രചനകള്‍ ക്ഷണിച്ചു. വിശ്വാസ പരിശീലനത്തില്‍ മാതാപിതാക്കളുടെ പങ്ക് എന്നതാണ് വിഷയം. രചനകള്‍ ജൂലൈ 15 വൈകുന്നേരം അഞ്ചിന് മുമ്പായി മാതൃവേദി രൂപതാ ഓഫീസില്‍ ലഭിക്കണം. ആദ്യ മൂന്നു സ്ഥാനക്കാര്‍ക്ക് യഥാക്രമം 2000 രൂപ, 1000 രൂപ, 500 രൂപ ക്യാഷ് അവാര്‍ഡുകള്‍ സമ്മാനിക്കും.
മത്സര നിബന്ധനകള്‍:
പ്രായഭേദമന്യേ രൂപതയിലെ എല്ലാ അമ്മമാര്‍ക്കും മത്സരത്തില്‍ പങ്കെടുക്കാം, ഉപന്യാസം 6 പേജില്‍ കവിയാന്‍ പാടില്ല, കൈയെഴുത്തായോ ടൈപ്പ് ചെയ്തതോ അയയ്ക്കാവുന്നതാണ്, ഓരോ ഇടവകയിലെയും രചനകള്‍, യുണിറ്റ് പ്രസിഡന്റുമാര്‍ ശേഖരിച്ച് മേഖലയിലെ രൂപത എക്‌സിക്യൂട്ടിവ് അംഗത്തെ ഏല്‍പ്പിക്കണം, പേരും, അഡ്രസ്സും, ഇടവകയും, ഫോണ്‍ നമ്പറും നിര്‍ബന്ധമായും രചനയില്‍ രേഖപ്പെടുത്തണം, തപാല്‍ വഴിയോ, ഈ-മെയില്‍ (ടൈപ്പ് ചെയ്ത പിഡിഎഫ് ഫോര്‍മാറ്റില്‍) മുഖേനയും, വാട്ട്‌സാപ്പ് (ടൈപ്പ് ചെയ്ത പിഡിഎഫ് ഫോര്‍മാറ്റില്‍) മുഖേനയും രചനകള്‍ അയക്കാവുന്നതാണ്. സ്‌കാന്‍ ചെയ്ത രചനകള്‍ സ്വീകരിക്കുന്നതല്ല.
തപാലായി അയയ്‌ക്കേണ്ട വിലാസം: ഡയറക്ടര്‍, സീറോ മലബാര്‍ മാതൃവേദി, ബിഷപ്‌സ് ഹൗസ്, പിബി നമ്പര്‍ 1, താമരശ്ശേരി 673573.
