മണിപ്പൂരിലെ പീഡിത ക്രൈസ്തവര്ക്ക് ഐക്യദാര്ഢ്യവുമായി പ്രതിഷേധ റാലി
പാറോപ്പടി: മണിപ്പൂരിലെ പീഡിത ക്രൈസ്തവര്ക്ക് ഐക്യദാര്ഢ്യം പ്രഖ്യാപിച്ച് പാറോപ്പടി സെന്റ് ആന്റണീസ് ഫൊറോന ദേവാലയവും മേരിക്കുന്ന ഹോളി റെഡിമര് ദേവാലയവും സംയുക്തമായി പ്രതിഷേധ റാലി നടത്തി. പാറോപ്പടി ദേവാലയ അങ്കണത്തില് ഫൊറോന വികാരി ഫാ. ജോസഫ് കളരിക്കലിന്റെ ആമുഖ പ്രഭാഷണത്തോടെ റാലി ആരംഭിച്ചു. മേരിക്കുന്ന് ദേവാലയത്തിലേക്ക് നടത്തിയ റാലിയില് നിരവധി വിശ്വാസികള് അണിചേര്ന്നു.
മേരിക്കുന്ന് ദേവാലയ അങ്കണത്തിലെ സമാപന സമ്മേളനത്തില് ഫാ. സൈമണ് പീറ്റര് അധ്യക്ഷത വഹിച്ചു. കോഴിക്കോട് രൂപതാ വികാരി ജനറല് മോണ്. ജെന്സന് പുത്തന്വീട്ടില് ഉദ്ഘാടനം ചെയ്തു. ഫാ. സായി പാറന്കുളങ്ങര മുഖ്യപ്രഭാഷണം നടത്തി.
ഫാ. ജോസഫ് കളരിക്കല്, ഫാ. ജോസ് അഞ്ചലിന്, ജോസഫ് റിബല്ലോ, തോമസ് പുലിക്കോട്ടില് എന്നിവര് പ്രസംഗിച്ചു.
മണിപ്പൂര് വിഷയത്തില് ഭരണകൂടങ്ങള് തുടരുന്ന മൗനത്തെ സമ്മേളനത്തില് പ്രസംഗിച്ചവര് അപലപിച്ചു.
![](https://malabarvisiononline.com/wp-content/uploads/2023/06/Rally-2-1024x730.jpg)
![](https://malabarvisiononline.com/wp-content/uploads/2023/06/Rally-3.jpg)
![](https://malabarvisiononline.com/wp-content/uploads/2023/06/Rally-4-1024x730.jpg)
![](https://malabarvisiononline.com/wp-content/uploads/2023/06/Rally-5-1024x730.jpg)