താമരശ്ശേരി രൂപതയുടെ ആത്മീയ നവീകരണ കേന്ദ്രമായ ബഥാനിയ റിന്യൂവല്‍ സെന്ററില്‍ ദിവ്യകാരുണ്യ ആരാധനയും അഖണ്ഡജപമാല സമര്‍പ്പണവും ആരംഭിച്ചു. ഇന്ന് രാവിലെ 9.30ന് ഗാനശുശ്രൂഷയോടെ 101 ദിവസങ്ങള്‍ നീളുന്ന ദിവ്യകാരുണ്യ ആരാധനയ്ക്കും അഖണ്ഡജപമാല സമര്‍പ്പണത്തിനും തുടക്കമായി. തുടര്‍ന്നു നടന്ന വിശുദ്ധ കുര്‍ബാനയില്‍ ബിഷപ് മാര്‍ റെമീജിയോസ് ഇഞ്ചനാനിയില്‍ മുഖ്യകാര്‍മികത്വം വഹിച്ചു വചന സന്ദേശം നല്‍കി.
24 മണിക്കൂറും ആരാധനയും ഞായറൊഴികെ എല്ലാ ദിവസവും രാവിലെ ആറിനും ഉച്ചയ്ക്ക് 12-നും വൈകിട്ട് ഏഴിനും ദിവ്യബലിയുമുണ്ടായിരിക്കും. ഉച്ചയ്ക്ക് 12-നുള്ള ദിവ്യബലിയോടനുബന്ധിച്ച് വചനപ്രഘോഷണവും രോഗശാന്തി ശുശ്രൂഷയുമുാകും. എല്ലാ ദിവസവും കുമ്പസാരത്തിനും കൗണ്‍സലിങ്ങിനുമുള്ള സൗകര്യം ഒരുക്കിയിട്ടുണ്ട്. കൂടാതെ ഉച്ചകഴിഞ്ഞ് മൂന്ന് മണിക്കും പുലര്‍ച്ചെ മൂന്ന് മണിക്കും കുരിശിന്റെ വഴിയും കരുണക്കൊന്തയും നടത്തും. ഒക്ടോബര്‍ 26-ന് സമാപിക്കും.