തിരുവമ്പാടി സെന്റ് സെബാസ്റ്റ്യന്‍ താമരശ്ശേരി രൂപതയിലെ മികച്ച കുടുംബക്കൂട്ടായ്മ യൂണിറ്റ്
ഈ വര്‍ഷത്തെ മികച്ച കുടുംബക്കൂട്ടായ്മ യൂണിറ്റുകളെ പ്രഖ്യാപിച്ചു. തിരുവമ്പാടി സെന്റ് സെബാസ്റ്റ്യന്‍ യൂണിറ്റിനെ രൂപതാതലത്തിലെ മികച്ച കുടുംബക്കൂട്ടായ്മ യൂണിറ്റായി തെരഞ്ഞെടുത്തു. മാങ്കാവ് സെന്റ് ആന്റണീസ് രണ്ടും തോട്ടുമുക്കം സെന്റ് മേരീസ് മൂന്നും സ്ഥാനങ്ങള്‍ നേടി.
എ പ്ലസ് ഗ്രേഡ് നേടിയ യൂണിറ്റുകള്‍: തിരുവമ്പാടി സെന്റ് സെബാസ്റ്റ്യന്‍, തിരുവമ്പാടി ജോണ്‍ ബ്രിട്ടോ, തിരുവമ്പാടി സെന്റ് ഡാമിയേന്‍, വേനപ്പാറ സെന്റ് തോമസ്, താമരശ്ശേരി സെന്റ് തെരേസാസ് വൃന്ദാവന്‍, നൂറാംതോട് സെന്റ് സെബാസ്റ്റിയന്‍, പുതുപ്പാടി ഫിലിപ്പിനേരി, തോട്ടുമുക്കം സെന്റ് മേരീസ്, തോട്ടുമുക്കം ജോണ്‍ പോള്‍, തോട്ടുമുക്കം സെന്റ് എവുപ്രാസ്യ, തെയ്യപ്പാറ സെന്റ് ജോസഫ്, മാങ്കാവ് സെന്റ് ആന്റണീസ്, മാങ്കാവ് സെന്റ് ജോസഫ്, കൂരാച്ചുണ്ട് സെന്റ് സാവിയോ, കൂരാച്ചുണ്ട് സെന്റ് അല്‍ഫോന്‍സ, കക്കയം സെന്റ് ചാവറ കുര്യാക്കോസ് II, ചക്കിട്ടപാറ സെന്റ് വിയാനി, വിലങ്ങാട് അല്‍ഫോന്‍സ ഭവന്‍, മരിയഗിരി (വാളൂക്ക്) സെന്റ് ബെനഡിക്ട്.
”മികച്ച പ്രവര്‍ത്തനങ്ങള്‍ നടത്തുന്ന കുടുംബക്കൂട്ടായ്മ യൂണിറ്റുകളെ അഭിനന്ദിക്കാനും പ്രോത്സാഹിപ്പിക്കുന്നതിനുമായാണ് ഇത്തരത്തിലൊരു തെരഞ്ഞെടുപ്പ് നടത്തുന്നത്. രൂപതാതലത്തില്‍ ചേര്‍ന്ന കുടുംബക്കൂട്ടായ്മ വാര്‍ഷിക വിലയിരുത്തല്‍ സമ്മേളനത്തില്‍ വിദഗ്ധ സമിതിയാണ് വിവിധ മാനദണ്ഡങ്ങളുടെ അടിസ്ഥാനത്തില്‍ മികച്ച യൂണിറ്റുകളെ തെരഞ്ഞെടുത്തത്.” -കുടുംബക്കൂട്ടായ്മ രൂപതാ ഡയറക്ടര്‍ ഫാ. ബിനു കുളത്തിങ്കല്‍ പറഞ്ഞു.
ആദ്യ മൂന്ന് സ്ഥാനക്കാര്‍ക്ക് യഥാക്രമം 3001 രൂപ, 2001 രൂപ, 1001 രൂപ ക്യാഷ് അവാര്‍ഡും യൂണിറ്റിലെ ഓരോ കുടുംബത്തിനുമുള്ള സമ്മാനങ്ങളടങ്ങിയ ബോക്‌സുമാണ് സമ്മാനം. എ പ്ലസ് യൂണിറ്റുകള്‍ക്ക് 500 രൂപയും യൂണിറ്റിലെ ഓരോ കുടുംബത്തിനുമുള്ള സമ്മാനങ്ങളടങ്ങിയ ബോക്‌സും സമ്മാനമായി നല്‍കും.
