രണ്ടാം ശതാബ്ദത്തില്‍ രക്തസാക്ഷിത്വം വഹിച്ച ദ്വിജ സഹോദരന്‍ ഗെര്‍വാസിസും പ്രോത്താസിസുമല്ല ഇവിടെ വിവക്ഷിക്കുന്നത്. അവരുടെ അവശിഷ്ടങ്ങളും മിലാന്‍ കത്തീഡ്രലിലാണ് ഇപ്പോള്‍ സൂക്ഷിച്ചിരിക്കുന്നത്. 331-മുതല്‍ 352- വരെ മിലാനിലെ ബിഷപ്പായിരുന്ന പ്രോത്താസിയൂസാണ് ഇന്നു നാം അനുസ്മരിക്കുന്ന വിശുദ്ധന്‍. ആര്യന്‍ പാഷണ്ഡതയെ തകര്‍ത്ത വി. അംബ്രോസിന്റെ മുന്നോടിയായിരുന്നു വിശുദ്ധ പ്രോത്താസിയൂസ്. സാര്‍ദിക്കായില്‍ 343-ല്‍ ചേര്‍ന്ന സൂനഹദോസില്‍ വിശുദ്ധ അത്തനേഷ്യസ്സിന്റെ നിലപാട് വീറോടെ വാദിച്ചതു മിലാനിലെ ബിഷപ്പ് പ്രോത്താസിയൂസാണ്. ഈശോയുടെ ദൈവത്വം സ്ഥാപിക്കുന്നതില്‍ വിശുദ്ധ അംബ്രോസിന്റെ ഈ മുന്‍ഗാമി പ്രകടിപ്പിച്ച തീക്ഷണത അദ്ദേഹത്തിന്റെ വിശ്വാസത്തിനും സ്‌നേഹത്തിനും സാക്ഷ്യം വഹിക്കുന്നു. 21 കൊല്ലം മിലാന്‍ നഗരത്തില്‍ മെത്രാന്‍സ്ഥാനം വഹിച്ച പ്രാത്താസിയൂസു ‘ആര്യനിസത്തെ തകര്‍ത്ത ചുറ്റിക” എന്ന അപരനാമത്തിനര്‍ഹനായ അംബ്രോസിന് കളമൊരുക്കി.
