കോട്ടയ്ക്കല്‍ ഇടവക വെബ് സൈറ്റ് ലോഞ്ച് ചെയ്തു
കോട്ടക്കല്‍ ലിറ്റില്‍ ഫ്ളവര്‍ ഇടവകയുടെ വെബ് സൈറ്റിന്റെ ലോഞ്ചിങ് വിശുദ്ധ കൊച്ചുത്രേസ്യായുടെ തിരുനാള്‍ ദിനമായ ഒക്ടോബര്‍ ഒന്നിന് താമരശ്ശേരി രൂപതാ ചാന്‍സലര്‍ ഫാ. സെബാസ്റ്റ്യന്‍ കാവളക്കാട്ട് നിര്‍വ്വഹിച്ചു. ഇടവക വികാരി ഫാ. ജോസഫ് കളത്തില്‍, കോര്‍ഹബ് സൊലൂഷന്‍സ് പ്രൈവറ്റ് ലിമിറ്റഡ് എംഡി സിജോ കുഴിവേലി തുടങ്ങിയവര്‍ സന്നിഹിതരായിരുന്നു.
താമരശ്ശേരി രൂപതയുടെ റൂബി ജൂബിലിയുടെ ഭാഗമായി രൂപതയിലെ മുഴുവന്‍ വിവരങ്ങളും ഡിജിറ്റല്‍ രൂപത്തിലേക്ക് മാറ്റുന്നതിന്റെ ആദ്യ ഘട്ടമാണ് കോട്ടക്കല്‍ ലിറ്റില്‍ ഫ്ളവര്‍ ഇടവകയില്‍ വികാരി ഫാ. ജോസഫ് കളത്തില്‍, പാരിഷ്സെക്രട്ടറി ഷിജു കുഴികണ്ടത്തില്‍ എന്നിവരുടെ നേതൃത്വത്തില്‍ പൂര്‍ത്തീകരിച്ചത്.
