കെസിവൈഎം താമരശ്ശേരി രൂപതാ സമിതിയുടെ നേതൃത്വത്തില് രൂപതയിലെ യുവതികള്ക്കായി ‘വുമണ്സ 4.o’ വനിതാ സംഗമം നടത്തി. കൈതപ്പൊയില് ലിസ്സ കോളജില് നടന്ന പരിപാടി യുവസംരംഭകരും സഹോദരങ്ങളുമായ ചിത്തിര റോസ് മാത്യു, ആതിര റോസ് മാത്യു എന്നിവര് ചേര്ന്ന് ഉദ്ഘാടനം ചെയ്തു. രൂപത വൈസ് പ്രസിഡന്റ് അലോണ ജോണ്സന് പൂകമല അധ്യക്ഷത വഹിച്ചു.
ചടങ്ങിനോട് അനുബന്ധിച്ച് മെന്സ്ട്രല് കപ്പ് ചലഞ്ച്, കേശദാന യജഞം എന്നിവ സംഘടിപ്പിച്ചു. രൂപതാ ആനിമേറ്റര് സിസ്റ്റര് റൊസീന് എസ്എബിഎസ്, രൂപതാ പ്രസിഡന്റ് റിച്ചാള്ഡ് ജോണ്, സെക്രട്ടറി അലോന എലിസബത്ത്, സംസ്ഥാന സെനറ്റ് അംഗം അലീന ലെയ്സണ്, എസ്.എം. വൈ.എം. സംസ്ഥാന സെക്രട്ടറി ആഗി മരിയ ജോസഫ്, ലിസ കോളേജ് പ്രതിനിധി ഫാ. ജോസ് പന്തക്കല്, സീറോ മലബാര് മാതൃവേദി രൂപത പ്രസിഡന്റ് സ്വപ്ന ഗിരീഷ് എന്നിവര് സംസാരിച്ചു.
രണ്ട് ദിവസമായി നടന്ന സംഗമത്തില് കുടുംബം, സാങ്കേതികത്വം, സംരംഭകത്വം എന്നിങ്ങനെ മൂന്ന് വിഷയങ്ങളിലായി യുവതികള് ആശയങ്ങള് പങ്കുവെക്കുകയും വിദഗ്ദര് ക്ലാസുകള്ക്ക് നേതൃത്വം നല്കുകയും ചെയ്തു.
