തിരുവമ്പാടി: കാലിക്കറ്റ് യൂണിവേഴ്സിറ്റി സെനറ്റ് മെമ്പറായി താമരശ്ശേരി രൂപതാ വൈദികനും തിരുവമ്പാടി അല്ഫോന്സാ കോളജ് മാനേജറുമായ ഫാ. സ്കറിയ മങ്ങരയില് തിരഞ്ഞെടുക്കപ്പെട്ടു. കൂടരഞ്ഞി ഇടവകാംഗമായ ഫാ. സ്കറിയ മങ്ങരയില് 2017 മുതല് അല്ഫോന്സാ കോളജ് മാനേജരാണ്.
രൂപതയുടെ സാമൂഹിക സേവന വിഭാഗമായ സിഒഡിയുടെ അസി. ഡയറക്ടറായും ഇന്ഫാം കോ-ഓര്ഡിനേറ്ററായും പ്രവര്ത്തിച്ചിട്ടുണ്ട്. കോടഞ്ചേരി ഇടവകയിൽ അസി. വികാരിയായും മഞ്ഞക്കുന്ന്,കോനൂര്കണ്ടി, മുത്തപ്പന്പുഴ, കക്കാടംപൊയില്, ചെമ്പുകടവ്, തോട്ടുമുക്കം, വിളക്കാംതോട് ഇടവകകളില് വികാരിയായും സേവനം അനുഷ്ഠിച്ചിട്ടുണ്ട്. ഇപ്പോള് കുളിരാമുട്ടി ഇടവക വികാരികൂടിയാണ്.
