മനോമയയില്‍ ‘കുട്ടികളുടെ മനഃശാസ്ത്രം’ ഓണ്‍ലൈന്‍ കോഴ്സ് പ്രവേശനം ആരംഭിച്ചു
മനോമയ സെന്റര്‍ ഫോര്‍ സൈക്കോളജിക്കല്‍ സ്റ്റഡീസ് സംഘടിപ്പിക്കുന്ന ‘കുട്ടികളുടെ മനഃശാസ്ത്രം’ എന്ന രണ്ട് മാസത്തേ ഓണ്‍ലൈന്‍ കോഴ്‌സിലേക്ക് അപേക്ഷ ക്ഷണിച്ചു. രാത്രി 8.30 മുതല്‍ 9.30 വരെ ഓണ്‍ലൈനായാണ് ക്ലാസുകള്‍. ജീവന്റെ തുടിപ്പ് ആരംഭിക്കുന്ന നിമിഷം മുതല്‍ കൗമാരത്തില്‍ എത്തുന്നതുവരെയുള്ള വിശദമായ പഠനമാണ് കോഴ്‌സില്‍ ഉള്‍പ്പെടുത്തിയിരിക്കുന്നത്. ഓഗസ്റ്റ് ആദ്യ വാരം കോഴ്സ് ആരംഭിച്ച് സെപ്റ്റംബറില്‍ അവസാനിക്കും. 40 മണിക്കൂറാണ് കോഴ്സ് ദൈര്‍ഘ്യം.
ഒരു കുഞ്ഞിന്റെ ജീവിതത്തില്‍ ഗര്‍ഭാവസ്ഥയുടെ പ്രാധാന്യം, മാനസിക – വൈകാരിക – വ്യക്തിത്വ – സ്വഭാവരൂപീകരണം തുടങ്ങിയവയെക്കുറിച്ചും ഈ മേഖലകളില്‍ മാതാപിതാക്കള്‍, ബന്ധുക്കള്‍, മറ്റു സുപ്രധാന വ്യക്തികള്‍ തുടങ്ങിയവരുടെ പങ്കിനെകുറിച്ചും വിശദമായി പഠിപ്പിക്കുന്നു. കൂടാതെ കുട്ടികളിലുള്ള വിവിധ തരത്തിലുള്ള മാനസികാരോഗ്യ പ്രശ്‌നങ്ങളെക്കുറിച്ചും പഠനവൈകല്യത്തെക്കുറിച്ചുമുള്ള ക്ലാസുകളും ഉള്‍പ്പെടുത്തിയിട്ടുണ്ട്.
മാതാപിതാക്കന്മാര്‍, അംഗനവാടി, നേഴ്‌സറി ടീച്ചര്‍മാര്‍, കുടുംബശ്രീ അംഗങ്ങള്‍, സ്‌കൂള്‍ ടീച്ചര്‍മാര്‍, സ്‌കൂള്‍ കൗണ്‍സിര്‍മാര്‍, സാമൂഹ്യ പ്രവര്‍ത്തകര്‍, സ്‌പെഷ്യല്‍ എഡ്യുക്കേഷന്‍ ടീച്ചര്‍മാര്‍, എംസ്ഡബ്ല്യു-സൈക്കോളജി വിദ്യാര്‍ഥികള്‍ തുടങ്ങിയവര്‍ക്ക് ഈ കോഴ്സ് ഉപകാരപ്രദമായിരിക്കുമെന്ന് ക്ലാസുകള്‍ക്ക് നേതൃത്വം നല്‍കുന്ന കുട്ടികളുടെ മനഃശാസ്ത്ര സ്‌പെഷ്യലിസ്റ്റും ക്ലിനിക്കല്‍ സൈക്കോളജിസ്റ്റും മനോമയ ഡയറക്ടറുമായ ഫാ. വില്‍സണ്‍ മുട്ടത്തുകുന്നേല്‍ പറഞ്ഞു.
