തിരുവമ്പാടി: അല്ഫോന്സ കോളജില് വായനവാരാഘോഷ സമാപനം ‘സര്ഗ്ഗത്മ 23’ ദേവഗിരി കോളജ് അധ്യാപകനും എഴുത്തുകാരനുമായ ബിബിന് ആന്റണി ഉദ്ഘാടനം ചെയ്തു. മലയാള സാഹിത്യത്തിലെ വായനാനുഭവങ്ങള് എന്ന വിഷയത്തില് സംഘടിപ്പിച്ച സെമിനാറിന് അദ്ദേഹം നേതൃത്വം നല്കി. വായനാദിനത്തോടനുബന്ധിച്ച് ഒരാഴ്ചയായി ഡിപ്പാര്ട്മെന്റുകളുടെ നേതൃത്വത്തില് വിവിധ പരിപാടികള് സംഘടിപ്പിച്ചിരുന്നു. പ്രിന്സിപ്പല് ഡോ. കെ. വി. ചാക്കോ, വൈസ് പ്രിന്സിപ്പല് ഫാ. ഷെനീഷ് ആഗസ്റ്റിന്, ലിറ്റററി ക്ലബ് കോഡിനേറ്റര് ദീപ ഡോമിനിക്, അലന് വി. ജേക്കബ് എന്നിവര് പ്രസംഗിച്ചു. 2022-23 അദ്ധ്യയന വര്ഷത്തില് കോളജ് ലൈബ്രറിയില് നിന്ന് ഏറ്റവും കൂടുതല് പുസ്തകങ്ങള് വായിച്ച അധ്യാപകരെയും വിദ്യാര്ത്ഥികളെയും ചടങ്ങില് ആദരിച്ചു.
