കുടുംബകൂട്ടായ്മകളില്‍ ആലപിക്കാന്‍ തീം സോങ്ങ് ഒരുങ്ങി
കുടുംബക്കൂട്ടായ്മകളില്‍ ആലപിക്കുന്നതിനായി താമരശ്ശേരി രൂപത കുടുംബക്കൂട്ടായ്മ തയ്യാറാക്കിയ തീം സോങ്ങ് പുറത്തിറക്കി. ‘കുടുംബകൂട്ടായ്മ ഒരു സ്‌നേഹസഭ’ എന്ന പേരില്‍ Familia Ecclesia എന്ന യൂട്യൂബ് ചാനലിലൂടെയാണ് ഗാനം പുറത്തിറക്കിയത്.
ബിഷപ് മാര്‍ റെമീജിയോസ് ഇഞ്ചനാനിയിലിന്റെ ആമുഖ സന്ദേശത്തോടെ ആരംഭിക്കുന്ന ഗാനം കുടുംബ കൂട്ടായ്മകളില്‍ പാടാനായി പ്രത്യേകം തയ്യാറാക്കിയതാണ്. ഗാനത്തിന്റെ രചനയും & സംഗീതവും നിര്‍വഹിച്ചത് ഫാ. ജയിംസ് വാളിമലയില്‍ CST. ആലാപനം ഫാ. വിപിന്‍ കുരിശുതറ CMI, സിസ്റ്റര്‍ അനുഷ തോമസ് SH (കോറസ്: സിസ്റ്റര്‍ അമല ജയിംസ് SH, സിസ്റ്റര്‍ മേഴ്സി അലക്‌സ് SH).
‘കുടുംബക്കൂട്ടായ്മയുടെ ഇത്തരത്തിലൊരു ചുവടുവയ്പ്പ് ഇത് ആദ്യമാണ്. കുടുംബങ്ങള്‍ ഒന്ന് ചേരുന്ന എല്ലാ അവസരങ്ങളിലും, പ്രത്യേകിച്ച് കുടുംബക്കൂട്ടായ്മകളിലും ഈ ഗാനം ആലപിക്കാം. ഈ ഗാനം കുടുംബ കൂട്ടായ്മകള്‍ക്ക് കരുത്തേകുമെന്ന കാര്യത്തില്‍ സംശയമില്ല.’ – കുടുംബക്കൂട്ടായ്മ രൂപതാ ഡയറക്ടര്‍ ഫാ. മാത്യു കുളത്തിങ്കല്‍ പറഞ്ഞു.
ഗാനം കേള്‍ക്കാന്‍ ലിങ്കില്‍ ക്ലിക്ക് ചെയ്യൂ.
