അല്‍ഫോന്‍സാ കോളജില്‍ രക്തദാന ക്യാമ്പ് നടത്തി
തിരുവമ്പാടി അല്‍ഫോന്‍സാ കോളജിലെ എന്‍എസ്എസ് യൂണിറ്റ് എം.വി.ആര്‍. കാന്‍സര്‍ സെന്റര്‍ ആന്‍ഡ് റിസര്‍ച്ച് ഇന്‍സ്റ്റിറ്റ്യൂട്ടുമായി സഹകരിച്ച് രക്തദാന ക്യാമ്പ് സംഘടിപ്പിച്ചു. കോളജ് മാനേജറും കാലിക്കറ്റ് യൂണിവേഴ്‌സിറ്റി സെനറ്റ് മെമ്പറുമായ ഫാ. സ്‌കറിയ മങ്കരയില്‍ ക്യാമ്പ് ഉദ്ഘാടനം ചെയ്തു.
പ്രിന്‍സിപ്പല്‍ ഡോ. ചാക്കോ കാളംപറമ്പില്‍ അധ്യക്ഷത വഹിച്ചു. എം.വി.ആര്‍. കാന്‍സര്‍ സെന്റര്‍ സീനിയര്‍ കണ്‍സള്‍ട്ടന്‍ന്റ് ഡോ. നിതിന്‍ ഹെന്റി രക്തദാതാക്കള്‍ക്കായുള്ള ഓറിയന്റേഷന്‍ ക്ലാസ് നയിച്ചു. അധ്യാപകരും വിദ്യാര്‍ത്ഥികളും കെസിവൈഎം അംഗങ്ങളും രക്തദാനം നടത്തി.
വോയിസ്‌ക സൗത്ത് ഇന്ത്യന്‍ സെക്രട്ടറി കെ. ടി. സെബാസ്റ്റ്യന്‍, എന്‍എസ്എസ് പോഗ്രാം ഓഫീസര്‍ പി. സി. ജോസഫ്, ടി. കെ. ആശ്രിത എന്നിവര്‍ പ്രസംഗിച്ചു. സ്റ്റാഫ് അംഗങ്ങളായ ലിതിന്‍ മാത്യു, അനു ആന്റണി, ജോജോ കുര്യന്‍, ഷീബമോള്‍ ജോസഫ്, വിദ്യാര്‍ത്ഥി പ്രതിനിധികളായ അലന്‍ വി. ജേക്കബ്, എം. എം. ജുനൈദ്, സാലിഹ നാസര്‍ തുടങ്ങിയവര്‍ നേതൃത്വം നല്‍കി
