കുളത്തുവയല് സെന്റ് ജോര്ജ് തീര്ത്ഥാടന കേന്ദ്രത്തില് എല്ലാ മാസവും ആദ്യ വെള്ളിയാഴ്ചകളില് ‘മരിയന് നൈറ്റ്’ സംഘടിപ്പിക്കും. വൈകിട്ട് നാലു മണിക്ക് കുമ്പസാരത്തോടെ മരിയന് നൈറ്റ് ആരംഭിക്കും. തുടര്ന്ന് 4.30ന് ജപമാലയും അഞ്ചു മണിക്ക് വിശുദ്ധ കുര്ബാനയും. വചന പ്രഘോഷണത്തിന് നവീകരണ രംഗത്തെ പ്രമുഖര് നേതൃത്വം നല്കും. 7.45 മുതല് സൗഖ്യാരാധന. 8.30ന് നേര്ച്ച ഭക്ഷണത്തോടെ മരിയന് നൈറ്റ് അവസാനിക്കും. ഡിസംബര് ഒന്നിന് നടക്കുന്ന മരിയന് നൈറ്റില് വില്ലേജ് ഇവാഞ്ചലൈസേഷന് രംഗത്തെ പ്രമുഖനായ സിബി മാത്യു മംഗലത്തുകരോട്ട് വചന പ്രഘോഷണത്തിന് നേതൃത്വം നല്കും. ഏവര്ക്കും പങ്കെടുത്ത് ആത്മീയ നവീകരണം നേടാന് സാധിക്കുന്ന തരത്തിലാണ് മരിയന് നൈറ്റ് ക്രമീകരിച്ചിരിക്കുന്നതെന്ന് സെന്റ് ജോര്ജ് തീര്ത്ഥാടന കേന്ദ്രം റെക്ടര് ഫാ. സണ്ണി കളപ്പുരയ്ക്കല് അഭിപ്രായപ്പെട്ടു.
