റവ. ഡോ. സുബിന്‍ കാവളക്കാട്ട് താമരശ്ശേരി രൂപതാ ചാന്‍സലര്‍
താമരശ്ശേരി രൂപതയുടെ പുതിയ ചാന്‍സലറായി റവ. ഡോ. സുബിന്‍ കാവളക്കാട്ട് ചുമതലയേറ്റു. മേരിക്കുന്ന് പിഎംഒസി ഡയറക്ടറായി സേവനം ചെയ്തു വരികെയാണ് പുതിയ ചുമതല. റോമിലെ ലാറ്ററന്‍ യൂണിവേഴ്സിറ്റിയില്‍ നിന്ന് അജപാലന ദൈവശാസ്ത്രത്തില്‍ ഡോക്ടറേറ്റ് നേടിയ റവ. ഡോ. സുബിന്‍ കാവളക്കാട്ട് ആനക്കാംപൊയില്‍ ഇടവകാംഗമാണ്. 2006 ഡിസംബര്‍ 27ന് പൗരോഹിത്യം സ്വീകരിച്ച അദ്ദേഹം ഈസ്റ്റ്ഹില്‍, കോടഞ്ചേരി, കണ്ണോത്ത് ഇടവകകളില്‍ അസി. വികാരിയായും വടകര, വാലില്ലാപ്പുഴ എന്‍.ഐ.ടി. ക്യാമ്പസ്, കരികണ്ടന്‍പാറ എന്നീ ഇടവകകളില്‍ വികാരിയായും സേവനം ചെയ്തു. ഗോവ, റോം എന്നിവിടങ്ങളിലും അജപാലന ശുശ്രൂഷ ചെയ്തിട്ടുണ്ട്. ഫാമിലി അപ്പോസ്തലേറ്റ്, കെസിവൈഎം, വൊക്കേഷന്‍ ബ്യൂറോ, അള്‍ത്താരസംഘം, കരുണാ ഹോസ്റ്റല്‍ എന്നിവയുടെ ഡയറക്ടറായി സേവനം അനുഷ്ടിച്ചിട്ടുണ്ട്.
മേരിക്കുന്ന് പിഎംഒസിയുടെ പുതിയ ഡയറക്ടറായി റവ. ഡോ. കുര്യന്‍ പുരമഠവും അസി. ഡയറക്ടറായി റവ. ഡോ. മാറ്റസ് കോരംകോട്ടും നിയമിതരായി.
