താമരശ്ശേരി രൂപതാ വൈദികന് ഫാ. ജോസഫ് കുന്നത്ത് റോമിലെ പൊന്തിഫിക്കല് അന്തോനിയാനും യൂണിവേഴ്സിറ്റിയില് നിന്ന് കാനന് നിയമത്തില് ഡോക്ടറേറ്റ് നേടി. Dispensation from disparity of worship According to CCEO and the Particular Law of the Syro-Malabar Church, in The Eparchy Of Thamarassery എന്ന വിഷയത്തിലാണ് ഡോക്ടറേറ്റ്.
ആനക്കാംപൊയില് കുന്നത്ത് ജോസ്-ലീലാമ്മ ദമ്പതികളുടെ മകനാണ്. 2015 ഡിസംബര് 28ന് പൗരോഹിത്യം സ്വീകരിച്ചു. കോടഞ്ചേരി, കൂടരഞ്ഞി, ചേവായൂര് ഇടവകകളില് അസി. വികാരിയായി സേവനം ചെയ്തിട്ടുണ്ട്. ചെറുപുഷ്പ മിഷന് ലീഗ്, ബൈബിള് അപ്പോസ്തലേറ്റ് എന്നിവയുടെ മേഖല ഡയറക്ടറായും പ്രവര്ത്തിച്ചിട്ടുണ്ട്.
