സ്ത്രീ സ്വയം സുരക്ഷാപ്രതിരോധ പരിശീലന പരിപാടി
തിരുവമ്പാടി: അല്‍ഫോന്‍സ കോളജില്‍ വിമന്‍സ് ഡെവലപ്‌മെന്റ് സെല്ലിന്റെ ആഭിമുഖ്യത്തില്‍ തിരുവമ്പാടി ജനമൈത്രി പോലീസും കോഴിക്കോട് റൂറല്‍ ജില്ലാ ഡിഫന്‍സ് ടീമും സംയുക്തമായി സ്ത്രീ സ്വയം സുരക്ഷാ പ്രതിരോധ പരിശീലന പരിപാടി സംഘടിപ്പിച്ചു. സീനിയര്‍ സിവില്‍ പോലീസ് ഓഫീസര്‍മാരായ വി. വി. ഷീജ, കെ. ജി. ജീജ എന്നിവര്‍ പരിശീലനത്തിന് നേതൃത്വം നല്‍കി. തിരുവമ്പാടി അസിസ്റ്റന്റ് സബ് ഇന്‍സ്‌പെക്ടര്‍ എ. ടി. സിന്ധു, സീനിയര്‍ സിവില്‍ പോലീസ് ഓഫീസര്‍ ജിഷാദ് ഹസ്സന്‍, അല്‍ഫോന്‍സ കോളേജ് പ്രിന്‍സിപ്പല്‍ ഡോ. കെ. വി. ചാക്കോ, കോളജ് യൂണിയന്‍ മെമ്പര്‍മാരായ അനുമോള്‍ ജോസ്, ലിനറ്റ് തങ്കച്ചന്‍ എന്നിവര്‍ പ്രസംഗിച്ചു.
സ്ത്രീകള്‍ക്ക് എതിരെയുള്ള കുറ്റകൃത്യങ്ങളെ കുറിച്ചുള്ള സമഗ്രമായ ബോധവല്‍ക്കരണം, പ്രതിരോധത്തിനായുള്ള പ്രായോഗിക പരിശീലനം എന്നീ വിഷയങ്ങളില്‍ ക്ലാസെടുത്തു. വിമന്‍സ് ഡെവലപ്‌മെന്റ് സെല്‍ കോ- ഓഡിനേറ്റര്‍ സ്‌നേഹ മാത്യു, കോളേജ് വൈസ് പ്രിന്‍സിപ്പല്‍ ഫാ. ഷെനീഷ് അഗസ്റ്റിന്‍ എന്നിവര്‍ നേതൃത്വം നല്‍കി.
