തിരുവമ്പാടി: കത്തോലിക്ക കോണ്ഗ്രസ് തിരുവാമ്പാടി മേഖല, യൂണിറ്റ് കമ്മിറ്റികളുടെ നേതൃത്വത്തില് ബേബി പെരുമാലില് അനുസ്മരണ ദിനം ആചരിച്ചു. രാവിലെ സേക്രട്ട് ഹാര്ട്ട് പള്ളിയില് അദ്ദേഹത്തിനു വേണ്ടിയുള്ള വിശുദ്ധ കുര്ബാന അര്പ്പിക്കുകയും സെമിത്തേരിയില് പ്രാര്ത്ഥിക്കുകയും ചെയ്തു.
ബേബി പെരുമാലിയിലിന്റെ സ്മരണ നിലനിര്ത്തുന്നതിനായി തിരുവമ്പാടി പള്ളി അങ്കണത്തില്, കത്തോലിക്കാ കോണ്ഗ്രസ് തിരുവമ്പാടി ഫൊറോന ഡയറക്ടര് ഫാ. തോമസ് നാഗപറമ്പില് ഫലവൃക്ഷതൈ നട്ടു. തുടര്ന്ന് കത്തോലിക്കാ കോണ്ഗ്രസ് ഫൊറോന, യൂണിറ്റ് ഭാരവാഹികളുടെ നേതൃത്വത്തില് സ്നേഹാലയത്തിലെ അന്തേവാസികള്ക്ക് സ്നേഹവിരുന്ന് നല്കി. ചടങ്ങുകള്ക്ക് മേഖല ഡയറക്ടര് ഫാ. തോമസ് നാഗപറമ്പില്, കത്തോലിക്കാ കോണ്ഗ്രസ് രൂപത പ്രസിഡന്റ് ഡോ. ചാക്കോ കാളംപറമ്പില്, രൂപതാ വൈ. പ്രസിഡന്റ് ഷാജി കണ്ടത്തില്, രൂപതാ സെക്രട്ടറി പ്രിന്സ് തിനംപറമ്പില്, മേഖല സെക്രട്ടറി ജോസഫ് പുലക്കുടിയില്, തോമസ് വലിയപറമ്പന്, ടോമി ചക്കിട്ടമുറിയില്, ബെന്നി കിഴക്കേപ്പറമ്പില്, അമല് നെടുങ്കല്ലേല്, എന്. ജെ. ജോസഫ്, ലിസി മാളിയേക്കല്, പൗളിന് ചേന്ദപ്പള്ളില്, മാര്ഗരറ്റ് ബോബി തുടങ്ങിയവര് നേതൃത്വം നല്കി.
