യുവജനങ്ങള് ലോകത്തിന്റെ പ്രകാശമാകണമെന്ന് ബിഷപ് ഡോ. അംബ്രോസ് പുത്തന്വീട്ടില്. കെ.സി.വൈ.എം സംസ്ഥാന സമിതിയുടെ 46-ാമത് വാര്ഷിക സെനറ്റ് കോട്ടപ്പുറം വികാസ് ആല്ബര്ടൈന് ആനിമേഷന് സെന്ററില് ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന പ്രസിഡന്റ് ഷാരോണ് കെ. റെജി അധ്യക്ഷത വഹിച്ചു. കോട്ടപ്പുറം രൂപതയുടെ ആതിഥേയത്വത്തില് നടക്കുന്ന വാര്ഷിക സെനറ്റില് മൂന്ന് റീത്തുകളില് നിന്നായി കേരളത്തിലെ 32 കത്തോലിക്ക രൂപതകളില് നിന്നുള്ള പ്രതിനിധികള് പങ്കെടുക്കുന്നുണ്ട്.
സമാപന ദിനത്തിലെ കുര്ബാനയില് കോട്ടപ്പുറം രൂപത വികാരി ജനറല് മോണ്സിഞ്ഞോര് റോക്കി റോബി കളത്തില് മുഖ്യ കാര്മികനായിരുന്നു. 2024 പ്രവര്ത്തന വര്ഷത്തേക്കുള്ള ഭാരവാഹികളെ തെരഞ്ഞെടുത്തു. ആലപ്പുഴ രൂപത അംഗം എം. ജെ. ഇമ്മാനുവലിനെ സംസ്ഥാന പ്രസിഡന്റായി തെരഞ്ഞെടുത്തു. പാലക്കാട് രൂപതയിലെ ഷാലിന് ജോസഫിനെ ജനറല് സെക്രട്ടറിയായും തെരഞ്ഞെടുത്തു. ഇരിങ്ങാലക്കുട ബിഷപ് മാര് പോളി കണ്ണുക്കാടന് സമാപന സമ്മേളനം ഉദ്ഘാടനം ചെയ്ത് സംസാരിച്ചു.
