കെസിബിസി യുവജന വര്ഷത്തിന്റെ ഭാഗമായി രൂപതയിലെ കെസിവൈഎം യൂണിറ്റ് ഭാരവാഹികള്ക്കായി സംഘടിപ്പിക്കുന്ന ഏകദിന യുവജന കോണ്ഫ്രന്സിന്റെ രൂപതാതല ഉദ്ഘാടനം പാറോപ്പടി മേഖലയില് ബിഷപ് മാര് റെമീജിയോസ് ഇഞ്ചനാനിയില് നിര്വഹിച്ചു. ജോഫിന് ജോസഫ് അധ്യക്ഷത വഹിച്ചു. ഫാ. സായി പാറന്കുളങ്ങര, ഫാ. ആല്ബിന് സ്രാമ്പിക്കല്, ജോബി മുണ്ടയ്ക്കല്, കരോള് ജോണ്, സിസ്റ്റര് പാവന സിഎംസി, അതുല്യ, ആന്മരിയ റോയ് എന്നിവര് പ്രസംഗിച്ചു. മുന് പ്രസിഡന്റുമാരെ ആദരിച്ചു.
യുവജന വര്ഷ കര്മ്മപരിപാടികള്, പ്രസംഗപരിശീലന കളരി, സംഘടന സംവിധാനാത്മകത, ഭാരതവളര്ച്ചയ്ക്കായി ക്രൈസ്തവര് നല്കിയ സംഭാവനകള്, റൂബി ജൂബിലി യൂത്ത് ഫോര്മേഷന് പ്രൊജക്ട് – പ്രാഥമിക ചര്ച്ച, ആനുകാലിക വിഷയത്തെ സംബന്ധിച്ച പൊതുപരിപാടി തുടങ്ങിയവയാണ് മേഖലാ യൂത്ത് കോണ്ഫ്രന്സില് ഉള്പ്പെടുത്തിയിരിക്കുന്നത്.
വിവിധ മേഖലകളില് യൂത്ത് കോണ്ഫ്രന്സ് സംഘടിപ്പിക്കുന്ന തീയതികള്:
ഏപ്രില് 13: തോട്ടുമുക്കം, ഏപ്രില് 14: കോടഞ്ചേരി, ഏപ്രില് 20: കൂരാച്ചുണ്ട്, ഏപ്രില് 21: മലപ്പുറം, ഏപ്രില് 27: പെരിന്തല്മണ്ണ, മേയ് 4: താമരശ്ശേരി, മേയ് 11: കരുവാരക്കുണ്ട്, മേയ് 18: മരുതോങ്കര, മേയ് 25: വിലങ്ങാട്, മേയ് 26: തിരുവമ്പാടി.
