കേരള കത്തോലിക്കാ കരിസ്മാറ്റിക് മുന്നേറ്റത്തിന്റെ വളര്ച്ചയ്ക്കും വികാസത്തിനും ചുക്കാന്പിടിച്ചവരില് പ്രമുഖയായ സിസ്റ്റര് ജോയ്സ് എംഎസ്എംഐ എഴുതിയ പത്താമത്തെ ഗ്രന്ഥം പിന്തുടരുന്ന ദൈവസ്വരം കോഴിക്കോട് ബിഷപ് റവ. ഡോ. വര്ഗീസ് ചക്കാലക്കല് പ്രകാശനം ചെയ്തു. നവീകരണ മുന്നേറ്റം കോഴിക്കോട് സോണല് കോ-ഓര്ഡിനേറ്റര് സാജന് അറക്കപ്പറമ്പില് ആദ്യപ്രതി ഏറ്റുവാങ്ങി.
രമ്യതപ്പെടാനുള്ള കാരുണ്യപൂര്വ്വകമായ ദൈവത്തിന്റെ ക്ഷണം സ്വീകരിക്കാന് തയ്യാറായി രക്ഷയിലേക്കും ഐശ്വര്യത്തിലേക്കും മടങ്ങാന് കൃപലഭിച്ച അനേകരുടെ അനുഭവങ്ങള്ക്ക് സാക്ഷ്യം വഹിക്കാന് കഴിഞ്ഞതില് നിന്ന് ലഭിച്ച പ്രചോദനമാണ് ഈ ഗ്രന്ഥരചനയ്ക്ക് പിന്നിലെന്ന് സിസ്റ്റര് ജോയ്സ് എംഎസ്എംഐ പറയുന്നു.
സിസ്റ്റര് ജോയ്സിന്റെ സാന്നിധ്യവും വാക്കുകളും നമ്മില് സമാധാനവും ദൈവസാമീപ്യാനുഭവവും പ്രചോദനാത്മകമായ ഊര്ജവും നിറയ്ക്കാന് പോന്നതാണെന്നും അതേ അനുഭവമാണ് ഈ ഗ്രന്ഥത്തിന്റെ വായനക്കാര്ക്കും ലഭിക്കുന്നതെന്നും അവതാരികയില് ബിഷപ് മാര് റെമീജിയോസ് ഇഞ്ചനാനിയില് പറയുന്നു.
സോഫിയാ ബുക്സാണ് പ്രസാധകര്. വില 100 രൂപ. കോപ്പികള്ക്ക്: 04962961333
